Velkommen til Randsfjordmuseene AS

Skoletjeneste

Formidlingstenesta ved Lands Museum

Lands Museum si formidlingsteneste har eit program kor læringa føregår i historiske omgjevnadar, både på museet sitt område og i lokalmiljøet. Museet tilbyr eit undervisningsopplegg med levandegjering av historie og kulturarv ved hjelp av forteljingar, opplevingar og aktivitet. Våre satsingsområde; kulturhistorie, bygningsvern og naturhistorie er og gjennomgåande i våre formidlingsopplegg. Vi ynskjer at både born, unge og gamle skal kome å oppleve museet og historia vi har å fortelje. Vi har ei fin samling her, både av hus og gjenstandar, men eit museum kjem først til sin rett når det blir brukt og opplevd.

Kom, opplev og lær!

Praktisk informasjon
Her vil du finne nyttig informasjon til planlegginga av museumsbesøket. Du kan og bestille undervisning eller komme med ynskjer. Les meir her   

 

Barnehage

Museumsområdet er godt eigna for besøk frå barnehagar. Her er ein masse spennande ting å sjå på! Formidlingstenesta kan lage eigne opplegg tilrettelagt for barnehagar med ulike tema eller dykk er velkomne til å besøke museet på eiga hand. Forslag til tema - Gamle leikar - Eventyrstund i skogskoia - Julestund, forteljing om fjøsnissen - Vi ser på dyr

Besøk på eiga hand
Barnehagar er hjarteleg velkomne til å besøke Lands Museum på eiga hand. Vi vil gjerne ha beskjed om at dykk er på besøk slik at vi får notert dykk i statistikken. Under besøket er det viktig at det takast omsyn til museet sine uerstattelege og viktige historiske bygningar, og at aktivitetar leggast opp deretter.

Barnehagar har og høve til å låne Røstebygningen eller Skogskoia gratis, mot at ein gjer rent i husa etterpå.

Til styrer og assistentar
Du vil finne mange nyttige opplysningar under punktet ”Praktisk informasjon”. Her kan du og kontakte oss eller bestille museumsbesøk direkte.

Vi prøver å tilpasse opplegget vårt til gruppa alderssammensetning og dykkar ynskjer. Dersom dykk ynskjer eit anna tema enn dei som er nemnt her er det berre å spørre.

Vi ynskjer dykk velkomne til fine opplevingar på Lands Museum!

Skule Museet ynskjer å ha eit nært forhold til skulane i Landregionen. Ein av målsetningane med formidlinga er at elevane får eit eigarforhold til museet. Vårt tilbod utviklast stadig i tråd med nye læreplanar, ynskje og behov frå skulane. Vi ynskjer å vere ein arena for læring ved oppleving. Vi tilpasser gjerne tema til din klasse! Ulike tema - Utvandring til Amerika - Måtar å bygge på - Peder Aadnes - Husmannsstua - Gamle leiker - Skuletime i skulestova - Julestund, forteljing om fjøsnissen - Biologisk mangfald i våtmark (utstilling) - Arkitektur og lokal byggeskikk - Steinalderens bergkunst (Hellerisningane ved Møllerstufossen) - 1800-talets bondekultur

Besøk på eiga hand
Til læraren

Den kulturelle skolesekken (DKS)

Formidlingstenesta ved Lands Museum samarbeider med kulturkontoret i Nordre Land kommune om tilbod på museet for elevar i grunnskolen. Opplegg på museet gjennom Den kulturelle skulesekken blir dekka av kommunen, det gjelder også utgifter til buss i høve kultursekkopplegget.

Vi har desse opplegga for skuleåret 2010/2011:

Steinalderens bergkunst (4.trinn)
1800-talets bondekultur (6.trinn)
Arkitektur og lokal byggeskikk (8.trinn)
Biologisk mangfald i våtmark (8.trinn)          

Den naturlege skulesekken (DNS)

Pilotprosjektet frå våren 2010 og er eit samarbeid mellom Dokka videregående skole og Randsfjordmuseene, avd. Lands Museum, Statens naturoppsyn og lokale krefter. Hovudmålsetning for undervisningsopplegget var; "Formidling av bærekraftig utvikling og biologisk mangfold i skolens nærområde", prosjektet vart avvikla 26.-28. mai 2010 i Dokkadeltaet, og skal vidareførast i 2011.

Sjå film her: http://www.youtube.com/watch?v=ITppZizvm8A